“Remote” работата носи флексибилност, заштедува време за патување и овозможува поинаква организација на денот. Но, истовремено може да значи помалку директна комуникација со колегите, потешко одвојување на работата од приватното време и недостаток на чувството дека сте дел од тимот.
Канцеларијата, пак, овозможува непосредна комуникација, побрза размена на идеи и полесна соработка. За многумина таа носи и подобра структура на работниот ден. Од друга страна, секојдневното патување и помалата флексибилност можат значително да влијаат на балансот меѓу работата и приватниот живот. Токму затоа хибридниот модел за многумина стана добра средина, дел од времето во канцеларија за комуникација и тимска работа, а дел од дома за поголема флексибилност и концентрација.
Кога барате нова работа, не размислувајте само за позицијата и платата. Размислете и како сакате да изгледа вашиот работен ден.